細個行嘅旺中多人到行唔郁，記憶中係逼到行年宵咁心口貼背脊咁同朋友拖住行，因為唔拖住會走散，成日行行下就少咗個，因為佢鼠咗入舖睇衫，仲會通常喺樓下食完袋麵，就上去行街。
而我天生咁大份係呢度係買唔到衫同鞋，我隻腳著40-41號，次次試最大個對都唔足碼頂哂腳咁，啲衫就全部Free Size，唔明啲妹妹點解咁細粒，有時拎起件衫心諗「嘩！細到咁俾公仔著㗎？」，次次揀好耐買完都會因為我膊頭太橫著唔到，但見到我啲朋友可以成手戰利品好羨慕。
對上一次隔幾年再行入旺中係幫公司買Props，會有種「啊我唔夠青春再著哩類衫啦」嘅感覺，因為每行一次都係青春回憶。但琴日再行我發現旺中十間有九間半都賣露膊衫，嚟時代變潮流變，我又可以再係度買衫濕平啦，露膊衫唔使怕膊頭位唔啱喇掛？
Search